Kisa fílar Cocoknits

Skemmtilegt námskeið sem opnar á marga skemmtilega möguleika til að hanna út frá eigin hugmyndum eða bara prjóna fallegar peysur eftir Julie Weisenberger

4 skipti – LAUGARDAGA kl. 9:30 – 11:30

Fyrir miðlungsvana prjónara.

Á þessu námskeiði er tækifæri fyrir prjónara að kafa dýpra ofan í peysuprjón að hætti Julie Weisenberger sem er hönnuður og höfundur Cocoknits Sweater Workshop.

Í bókinni, sem fylgir með á námskeiðinu ásamt verkefnahefti, er farið skref fyrir skref yfir það hvernig  Cocoknits aðferðin hjálpar til við að prjóna peysu sem er klæðileg og passar líkamsbyggingu þess sem á að nota hana.

Hægt verður að velja um nokkrar peysur í bókinni og þær eru allar prjónaðar ofan frá, með ísettum ermum sem eru prjónaðar við um leið eða með tengiaðferðinni.

Bókin er á ensku. Á námskeiðinu verður veitt hjálp við að fara eftir uppskriftunum og prjóntæknin sem lögð er til grundvallar kynnt.

Kennari: Helga Thoroddsen

Frekari upplýsingar um Helgu má finna á heimasíðunni: www.prjon.is

Innifalið: Bókin Cocoknits Sweater Workshop, Cocoknits Sweater Workshop Journal, hressing á námskeiðum, 15% afsláttur í Storkinum af garni í peysuna og öllu öðru meðan á námskeiðstíma stendur.

Verð: 25.000 kr.

Skráning neðar á síðunni.

Athugið að lágmarksfjöldi á námskeiðið er 5 nemendur, en hámarksfjöldi 8.